ناري على شبابك الي خرجوا و ما رجعوش
ناري على حلمك الي في ترابك ما لقيتوش
ناري على امّ تبكي ولدها الّي ما دفنتّوش
ناري على بحرك الّي هزّو و ما قبلوش
ناري عليك يا تونس
ولادك هجروك
صبروا عليك و ستنّوك
حلموا بيك و ترجّوك
شهايدهم و شهداءهم عطاووك
و بروحهم و دمهم مستعدّين يفدوك
اما
كيف تسكروا قدّامهم البيبان
و المستقبل ولاّ على ارضك محال
باعوا الّي عندهم و خلاّو لعيال
و ركبوا البحر
يعرفوا انّو الموت تنجّم تستناهم
اما هوما هكّة و الاّ هكّا ميتين
اما حلمة صغيرة خلاّتهم في غدوة متفائلين
و هزهم البحر
هزّ الامل و هزّ الحلمة
و خلّى في القلب قهرة
و على خد امّ دمعة
يا تونس وين ماشين؟
و حكّامك في عرس ملمومين
على الّي ماتوا مالملقهرة ماهمش مسؤولين
موش هوما رماووهم في البحر
اما نساو الّي هوما لزوّهم للبحر
الوطن الذي لا يحترم موتاه تبا له من وطن
قصة البحر مع التونسي صارت حكاية حزينة. أبدعت وصدقت مع تعديل فالوطن الذي لا يحترم موتاه تبا لمن يسوسه ومن ولاّه
RépondreSupprimerشكرا علي حبك لأبناء الوطن. والوفاء.
التّونسيّ وحده هو الذّي جعل قصّته مع البحر حكاية حزينة، التّونسي الذي ترك الارض و الحلم و فرّ وراء سراب
Supprimerحزني ليس تبريرا للفرار حتّى و ان كان الم الحياة على الارض كبيرا و مدى الحلم قصيرا، و لكنه لوعة على ارض لم تستطع ان تحتضن الحلم و الأمل، ارض جعلت ابناءها يفضّلون الموت على رفع بنيانها، ارض لفضت ابنائها و استرجعتهم جثثا في حالة وفاة دون ان تقيم العزاء
لا لوم الاّ على من نعشق و نحبّ، و الوطن عشق لا ينضب
البحر يأخذ حصته وزيادة من دمنا ...
RépondreSupprimerالأمهات يؤخذن حصتهن من الحزن...
و الحزب الحاكم (النهضة) يقيم عرسا قاتما
لعل هذا العرس يمحو ذاكرة شعب
أعتقد أنه يوم المأتم للبعض و يوم العرس للبعض الآخر
التدوينة تنم عن إحساسي عميق لحجم الكارثة....
حزن المأتم معلوم سببه، و للعرس ايضا حزنه، فاكثر من خمسين عائلة تبكي غرقاها و انا ابكي خمسين عائلة باعت نفسها للشيطان من اجل تصديرة جماعيّة تبث على الجؤيرةبحضور ساسة يستغلّون غباء البعض ليبدوا في صورة الرّحماء
Supprimerو لذلك ابكي هذا الوطن
و ناري على ولادك يا تونس
ناري على اللي هاززهم البحر
و علي هاززهم الواد ويقولوا العام صابة